"கணவரை அமைதிப்படுத்திய பாத்திமா(ரலி)"

கண்மணி நபி ஸல்லல்லாஹு அலைஹிவ ஸல்லம் அவர்கள் இறுதி ஹஜ்ஜை செய்ய மக்காவுக்குப் புறப்படத் தயாரானார்கள். இச்செய்தி பல ஊர்களுக்கு தெரிய வந்தது. லட்சக் கணக்கில் மக்கள் ஹஜ் செய்ய முன் வந்தர்கள். பாத்திமா(ரலி) அவர்களையும் தங்கள் பயணத்தில் அழைத்துச் சென்றார்கள். நபி ஸல்லல்லாஹு அலைஹிவ ஸல்லம் அவர்களோடு அவர்களின் ஒன்பது மனைவிமார்களும் சென்றார்கள். அப்போது பாத்திமா(ரலி) அவர்களின் உத்திரவுப்படி எமன் நாட்டிற்கு அல்லாஹ்வின் பாதையில் சென்றார்கள், அவர்களையும் ஹஜ்ஜுக்கு வந்து சேர்ந்து கொள்ளும் படி உத்திரவிட்டிருந்தார்கள்.
ஹஜ்ஜுக்கு சென்றவர்கள் குர்பானி கொடுக்க வேண்டும் என்று நபி ஸல்லல்லாஹு அலைஹிவ ஸல்லம் அவர்கள் கட்டலையிட்டார்கள். பாத்திமா(ரலி) அவர்களுக்கும் நபி ஸல்லல்லாஹு அலைஹிவ ஸல்லம் அவர்கள் மனைவிமார்களுக்கும் குர்பானி கொடுக்க பிராணிகள் இல்லை. எனவே அண்ணல் நபி ஸல்லல்லாஹு அலைஹிவ ஸல்லம் அவர்கள் எவரிடம் குர்பானி பிராணிகள் இல்லையோ அவர்கள் இஹ்ரானை களைத்து விட்டு ஹஜ்ஜை உம்ராவாக மாற்றிக் கொள்ளுங்கள். பிறகு ஹஜ்ஜுக் காலத்தில் மறுபடியும் இஹ்ராம் அணிந்து கொள்ளலாம் என்றார்கள். இதைக் கேட்டவுடன் பாத்திமா(ரலி) அவர்களும் நபி ஸல்லல்லாஹு அலைஹிவ ஸல்லம் அவர்களின் மனைவியரும் இஹ்ராம் உடையை களைந்து விட்டு கலர் துணிகளை அணிந்து கொண்டார்கள். இச்சமயத்தில் ஹஜ்ரத் அலி(ரலி) அவர்கள் அதிகமான பொருட்கள். ஆடைகள், ஒட்டங்களுடன் மக்காவுக்கு வந்தார்கள் தங்களின் அருமை மனைவி வர்ணமுள்ள வண்ண ஆடைகளை அணிந்திருப்பதை பார்த்து கோபம் கொண்டார்கள். இந்த ஆடைகள் தனது மனைவியின் உடலில் இருப்பது பிடிக்கவில்லை. உடனே மனைவியிடம் காரணம் கேட்டார்கள். அதற்கு பாத்திமா(ரலி) அவர்கள் மிக அமைதியாக கணவரின் நிலை அறிந்து எனதன்பு கணவரே இந்த வண்ண ஆடைகளை நான் எனது இஷ்டப்படி அணியவில்லை. உங்கள் அருமை மாமனார் நபி ஸல்லல்லாஹு அலைஹிவ ஸல்லம் அவர்கள் தான் உத்திரவிட்டார்கள் என நடந்த விஷயத்தை விளக்கி கணவரிடம் சொன்னார்கள். இதை கேட்டபிந்தான் அலி(ரலி) அவர்கள் அமைதியானார்கள்.

"பாத்திமா(ரலி)க்கு உதவிய பிலால்(ரலி)"

ஒரு சமயம் பிலால்(ரலி) அவர்கள் ஒரு வேலையாக வெளியே சென்றிருந்தார்கள். திரும்பி வரும் போது பாத்திமா(ரலி) அவர்களின் வீட்டின் வழியாக வந்தார்கள் அப்போது பாத்திமா(ரலி) அவர்கள் திருகையில் கைநோக மாவு அடைத்துக் கொண்டிருந்தார்கள் அவர்களின் அருமை குழ்ந்தை ஹஸன்(ரலி) அவ்ர்களழுது கொண்டிருந்தார்கள்.ஹஜ்ரத் அலி(ரலி) அவர்கள் வீட்டில் இல்லை. குழந்தையின் அழுகை சத்த்ம் கேட்டு துடித்துப் போன பிலால்(ரலி) அவர்கள் பாத்திமா(ரலி) அவர்களிடம் சென்று நீங்கள் வேலையில் ஈடுபட்டுள்ளீர்கள் குழந்தை அழுகிரது. நீங்கள் விரும்பினால் அனுமதி கொடுத்தால் குழ்ந்தையை நான் தூக்கி வைத்து கொள்கிறேன். என்று கேட்டார்கள். அதற்கு பாத்திமா(ரலி) அவர்கள் குழந்தை உங்களிடம் இருக்க பிரியப்படும் வைத்துக் கொள்ளுங்கள் என்றார்கள். பாத்திமா(ரலி) அவர்கள் மாவு அரைத்து முடியும் வரை குழந்தையை கவனித்துக் கொண்டார்கள். அந்த நேரத்தில் பாங்கு சொல்லப்பட்டது தொழுகையின் வக்த்தும் நெருங்கி விட்டது. ஆனால் பிலால்(ரலி) அவர்கள் குழ்ந்தையை கவனித்துக் கொள்வதிலேயே கவனமாக இருந்து. பின்பு தாமதமாக தொழுகையில் சேர்ந்து கொண்டார்கள்.
பிலால்(ரலி)தொழுகைக்கு தாமதமாக வந்த காரணத்தை நபி ஸல்லல்லாஹு அலைஹிவ ஸல்லம் அவர்கள் வினவிய போது. மேற்கண்ட விஷயத்தைச் சொன்னார்கள்.

"பாத்திமா(ரலி) க்கு வீடு கொடுத்த கொடைவள்ளல்"

சுவனத்து பேரரசி பாத்திமா(ரலி) அவர்களின் வீடு அண்ணல் நபி ஸல்லல்லாஹு அலைஹிவ ஸல்லம் அவர்களின் வீட்டுக்கு சற்று தொலைவில் இருந்தது வீடும் மிக சிறியதாக இருந்தது. அதனால் தம்பதிகளுக்கு கஷ்டமாக இருந்தது. நபி ஸல்லல்லாஹு அலைஹிவ ஸல்லம் அவர்களும் அருமை மகளை பார்க்க அடிக்கடி செல்ல வேண்டியதாக இருந்தது. ஒரு சமயம் பாத்திமா(ரலி) அவர்களைப் பாத்து மகளே! இன்ஷா அல்லாஹ் உம்மை என் வீட்டின் அருகில் வசிக்க ஏற்பாடு செய்ய என் மனம் விரும்புகிரது. என்று கூறினார்கள். இச்செய்தி மதினாவாசியான. அண்ணல் நபி ஸல்லல்லாஹு அலைஹிவ ஸல்லம் அவர்களின் தூரத்து உறவினரான கஸ்ரஜின் ஹாரிதா பின் நுஃமான்(ரலி) அவர்களுக்கு தெரிய வந்தது இவர்களுக்கு மதினாவில் பல வீடுகள் சொந்தமாக இருந்தது. அவ்வீடுகளில் சிலதை மக்காவிலிருந்து ஹிஜ்ரத் செய்ய வந்த முஹாஜிரீன்களுக்காக நபி ஸல்லல்லாஹு அலைஹிவஸல்லம் அவர்களிடம் அன்பளிப்பாக கொடுத்திருந்தார்கள் இவர்களின் ஒரே ஒரு வீடு மட்டும் மஸ்ஜித் நபவியின் அருகில் இருந்தது. இதற்கு முன் பாத்திமா(ரலி) அவர்கள் தமது அருமை தந்தையாரிடம் வந்து தந்தையே! ஹாரிதா(ரலி) அவர்களிடம் கேட்டு எங்களுக்கும் ஒரு வீடு வாங்கி கொடுங்கள் என்று முறையிட்டார்கள். அதற்கு நபி ஸல்லல்லாஹு அலைஹிவ ஸல்லம் அவர்கள். என தருமை மகளே! ஹாரிதா (ரலி) அவர்காளிடமிருந்து எந்தனை வீடுகள் வாங்குவது? இனிமேல் அவரிடம் வீடு கேட்க எனக்கு வெட்கமாக இருக்கிறது என்று ஆறுதல் சொன்னார்கள். இவ்விஷயங்கள் அனைத்தும் தெரியவந்ததும் ஹாரிதா(ரலி) அவர்கள் மனம் சந்தோஷத்தில் பொங்கி வழிந்தது......ஓடோடி வந்தார்கள், கண்மணி நபி ஸல்லல்லாஹு அலைஹிவ ஸல்லம் அவர்களின் முன்னிலையின் வந்து நின்று அல்லாஹிவின் தூதரே! தங்கள் வீட்டிற்கு அருகிலுள்ள வீடுகளில் ஒன்றில் தங்களின் இதய துண்டான அருமை மகள் பாத்திமா(ரலி) அவர்களை வசிக்க வைக்க விரும்புவதாக நான் கேள்விப் பட்டேன் நஜ்ஜார் மக்களது வீடுகள் அனைத்திலும் எனது வீடே உங்கள் வீட்டுக்கு அருகில் இருக்கிறது. அவ்வீடு உங்களுடைய வீடுதான் உடனே உங்கள் அருமை மகளாரை அழைத்து அந்த வீட்டில் வசிக்க ஏற்பாடுகள் செய்யுங்கள். என்னுடைய பொருட்கள் அனைத்தும் அல்லாஹ்வின் மீது ஆனையாக சொல்கிறேன் அல்லாஹ்வின் தூதரே! என் வீடுகளை தாங்கள் எடுத்து கொள்ளும் போதெல்லாம் அவை என்னிடம் இருக்கும் பொழுது எனக்கு மகிழ்ச்சியை கொடுப்பதை விட அவற்றை தாங்களுக்கு கொடுத்தவுடன் தான் எனக்கு அதிகம் மகிழ்ச்சி ஏற்படுகிறது என்று உருகி நின்றார்கள். ஹாரிதா(ரலி) அவர்களின்கொடைத் தன்மையை பார்த்து நபி ஸல்லல்லாஹு அலைஹிவ ஸல்லம் அவர்கள் நெகிழிந்துப் போனார்கள். அவர்களுக்காக துஆ செய்தார்கள். பின்பு ஹாரிதா(ரலி) அவர்கள் அவ் வீட்டை காலி செய்து நபி ஸல்லல்லாஹு அலைஹிவ ஸல்லம் அவர்களிடம் ஒப்படைத்தார்கள். அதை மிக்க மகிழ்ச்சியுடன் நபி ஸல்லல்லாஹு அலைஹிவஸல்லம் அவர்கள் ஏற்றுக் கொண்டு தங்களின் மகளார் குடும்பத்தை அவ் வீட்டுக்கு அழைத்து குடியமர்த்தினார்கள். நபி ஸல்லல்லாஹு அலைஹிவ ஸல்லம் அவர்கள் வீட்டுக்கும் பாத்திமா (ரலி) அவர்களின் வீட்டுக்கும் ஒரு சுவர் தான் குறுக்கே இருந்தது வீட்டு சுவரில் இருந்து ஜன்னல் வழியாக சின்னம்மா ஆய்ஷா(ரலி) அவர்களிடம் பேசிக் கொள்வார்கள். கொடுக்கல் வாங்கள் செய்து கொள்வார்கள்.

"ஹிஜ்ரத் இரவில் பாத்திமா(ரலி)"

அண்ணல் நபி ஸல்லல்லாஹு அலைஹிவ ஸல்லம் அவர்கள் ஹிஜ்ரத் செய்யும் நேரத்தில் எதிரிகளிடமிருந்து தப்புவதற்கு முன் தங்களிடம் மக்கள் பாதுகாப்பாக ஒப்படைக்கப் பட்டிருந்த பொருட்கள் அனைத்தையும் அவற்றின் உரிமையாளர்களிடம் ஒப்படைத்து விடுவதற்காக ஹஜ்ரத் அலி(ரலி) அவர்களை அழைத்து அலீயே, ஜிப்ரயீல்(அலை)என்னிடம் வந்து குறைஷியர் உங்களை கொலை செய்ய திட்டம் தீட்டியுள்ளார்கள் என கூறி உள்ளார்கள். ஆகவே நானும் அபூபக்கரும் ஹிஜ்ரத் செல்ல இருக்கிறோம் வெளியே குறைஷி இளைஞ்ர்கள் ஆயுதங்களோடு வீட்டை சுற்றி நிற்கிறார்கள் எனது போர்வையை போர்த்திக் கொண்டு எனது படுக்கையில் தூங்கு என்று பச்சை நிறத்தாலான ஹத்ரமீ போர்வையைக் கொடுத்தார்கள். அதன் பின் அலியே எதிரிகளிடமிருந்து உமக்கு எந்தவிதமான ஆபத்தும் ஏற்படாது என்று பஷாரத் கூறி வீட்டை விட்டு வெளியேறி விட்டார்கள். அப்போது வீட்டில் நபி ஸல்லல்லாஹு அலைஹிவ ஸல்லம் அவர்களின் குடும்ப பென்கள் இருந்தனர். இரவு நேரம் எதிரிகள் ஆயுதங்களோடு வீட்டை சுற்றி நிற்கிறார்கள். ஹஜ்ரத் அலி(ரலி) நபி ஸல்லல்லாஹு அலைஹிவ ஸல்லம் அவர்களின் படுக்கையில் படுத்து நன்கு தூங்க துவங்கி விட்டார்கள். வீட்டில் உள்ள பென்கள் கொந்தளிப்போடு குசு குசு என்று பேசிக் கொண்டிருக்கிறார்கள். பாத்திமா(ரலி) சிறு வயதுடையவர்களாக இருந்தாலும் தைரியமாக எதிரிகளுக்கு பயம் வரும் அளவுக்கு சத்தம் போட்டு பேசினார்கள். இதனால் இரவில் வீட்டுக்குள் புகுந்து விடலாம் என்றிருந்த எதிரிகளுக்கு பயம் வந்து விட்டது. வீட்டுக்குள் பென்கள் தூங்காமல் பேசிக் கொண்டே இருக்கிறார்கள். இந்த சமயத்தில் உள்ளே புகுந்தால் பென்களின் தனிமையை குலைத்ததற்காக காலமெல்லாம் அரபியர்களிடம் நமது பெயர்கள் அவமானமாக பேசப்படும் முஹம்மது நபி ஸல்லல்லாஹு அலைஹிவ ஸல்லம் எப்படியும் காலையில் வெளியே வரத்தான் செய்வார்கள் அப்போது பார்த்துக் கொள்ளலாம் என்று வெளியே காத்துக் கிடந்தார்கள். ஹஜ்ரத் அலி(ரலி) அவர்கள் நிம்மதியாக சுப்ஹ்வரை தூங்கினார்கள், பாத்திமா(ரலி) அவர்கள் சமயோஜிதமாக நடந்து கொண்டதால் எதிரிகள் இரவில் வீட்டுக்குள் நுழையவே இல்லை.

"உஹதில் பாத்திமா ரலியின் அழுகை"

உஹதுப் போர் முஸ்லிம்களுக்கு பெரும் படிப்பிரனைப் போராக அமைந்தது. 70 சஹாபாக்கள் ஷஹீதானார்கள். கண்மணி ஸல்லல்லாஹு அலைஹிவஸல்லம் அவர்கள் கடுமையான கஷ்டத்தை கொடுத்த போர் உஹது போர்தான்.

அவர்களின் முபாரக்கான பல் ஷஹிதானது, முகத்தில் காயங்கள் ஏற்பட்டது. நபி ஸல்லல்லாஹு அலைஹிவ ஸல்லம் அவர்காள் இறந்து விட்டார்கள் என்ற மாபெரும் வதந்தி காட்டுத் தீ போல மதினா முழுவதும் பரவியது. நபி ஸல்லல்லாஹு அலைஹிவ ஸல்லம் அவர்களின் குடும்பத்தினரில் மிக முக்கியமானவர்கள் கண்மணி நபி ஸல்லல்லாஹு அலைஹிவஸல்லம் அவ்ர்களின் பெரிய தகப்பனார் ஹஜ்ரத் ஹம்ஸா(ரலி) அவர்களின் மரணம். நபி ஸல்லல்லாஹு அலைஹிவஸல்லம் அவர்களின் குடுபத்தினர்களை பெரும் சிரம்த்துள்ளாக்கியது. இச்செய்திகள் மதினாவுக்கு எட்டியதும்,மதினத்துப் பென்கள் உஹதை நோக்கி ஓடிவந்தார்கள் பென்கள் போர்க்களத்தை நோக்கி ஓடிவரும் அளவுக்கு வதந்திகள் பெரும் வலிமையாக இருந்தது. ஸபிய்யா(ரலி) ஆயிஷா(ரலி) உம்மு அய்மன்(ரலி) இவர்கள் தான் முதலில் உஹதுக்கு வந்து சேர்ந்தார்கள். இவர்களுக்கு பிறகு பாத்திமா(ரலி) மற்றும் பல பென்கள் வந்து சேர்ந்தார்கள். ஸபிய்யா(ரலி) அவர்கள் தனது சகோதரி உமையாவின் மகன் அப்துல்லாஹ் இப்னு ஜஹ்ஷின் உடலருகில் நின்று துஆ செய்தார்கள். அவர்கள் கூட பாத்திமா(ரலி) அவர்களும் சேர்ந்து கொண்டார்கள். இருவரும் தங்களின் குடும்பத்தில் இறந்தோருக்காக கண்ணீர் வீட்டு அழுது துஆ செய்தனர். இவர்களின் அழுகையை கண்ட அண்ணல் நபி ஸல்லல்லாஹு அலைஹிவ ஸல்லம் அவர்களுக்கு மிக ஆறுதலாக இருந்தது. இதன் பின் தனது அருமை தந்தைக்கு பாத்திமா(ரலி) அவர்கள் காயங்களுக்கு மருந்து போட்டு மருந்துவம் செய்தார்கள்.

"பாத்திமாவின் கண்ணீர் துடைத்த கருணைநபி"

நபி ஸல்லல்லாஹுஅலைஹிவ ஸல்லம் அவர்கள் பத்ர் போருக்காக தங்களின் தோழர்களோடு சென்றிருக்கும் போது....பாத்திமா (ரலி) அவர்களின் அருமை சகோதரி ருகைய்யா(ரலி) அவர்கள் நோயினால் பாதிக்கப்பட்டிருந்தனர். அப்போது பாத்திமா(ரலி) அவர்கள் தங்களின் சகோதரி ருகைய்யா(ரலி) அவர்காளுக்கு பணிவிடைகள் செய்து வந்தார்கள் நபி ஸல்லல்லாஹு அலைஹிவ ஸல்லம் அவர்கள் பத்ரு போரிலிருந்து திரும்பி வருவதற்குள் ருகைய்ய(ரலி) அவர்கள் இறந்து விட்டார்கள் இதனால் பாத்திமா(ரலி) அவர்கள் கடுமையான துக்கத்தால் துவண்டும் போனார்கள். தனது அருமை தாயார் கதிஜா(ரலி) அவர்களின் இறப்புக்குப் பிறகு அவர்களின் குடும்பத்தில் இரண்டாவது பெரும் இழ்ப்பு சகோதரி ருகைய்யா(ரலி)யின் இறப்பாகும்.

நபி ஸல்லல்லாஹு அலைஹிவ ஸல்லம் அவர்கள் கூட பாத்திமா(ரலி) அவர்களும் தங்களின் சகோதரியை ஜியாரத் செய்ய கப்ர்ஸ்தானுக்கு சென்றார்கள். வீங்கிய முகத்துடன் அழுது கண்களுடன் தந்தைக்கு பக்கத்தில் கப்ர்ஸ்தானின் ஒரு மூலையில் உட்கார்ந்து தேம்பி தேம்பி அழுது கண்ணீர் வடித்துக் கொண்டிருந்தார்கள். ஜியாரத் செய்து முடித்த கண்மணி நபி ஸல்லல்லாஹு அலைஹிவ ஸல்லம் அவர்கள் அருமை மகள் பாத்திமாவின் நிலை கண்டு கண் கலங்கினார்கள். கடுமையாக அழுது கொண்டே இருந்தார்கள். உடனே அண்ணல் நபி ஸல்லல்லாஹு அலைஹிவஸல்லம் அவர்கள் தங்களின் மேல் துண்டில் ஒரு முனையால் பாத்திமா(ரலி) அவர்களின் கண்ணீரைத் துடைத்தார்கள். ஆறுதல் கூறி வீட்டிற்கு அழைத்து வந்தார்கள். அப்போது ருகைய்யா(ரலி) அவர்களின் இறப்பால் வீட்டுப் பென்கள் கடுமையாக அழுதார்கள். நபி ஸல்லல்லாஹு அலைஹிவஸல்லம் அவர்கள் பென்களின் அழுகையை பார்த்து கண் கலங்கினார்கள்.

"வீட்டுக்கு உழைத்த வீரப்பெண்மணி"

கண்மணி நபி ஸல்லல்லாஹு அலைஹிவ ஸல்லம் அவர்கள் சொந்த பந்தங்கள் மற்றும் பணிவிடை செய்யக் கூடியவர்கள் என்று ஒரு சிறு கூட்டமே இருந்தது. மஸிஜித் நபவியில் திண்னைத் தோழர்கள் வேறு இருந்தார்கள். அப்போது பாத்திமா(ரலி) அவர்காளுக்கு திருமனம் நடக்காத காலம் தின்னைத் தோழர்களுக்கு வேண்டிய உணவுகள் உடைகளை கொடுத்து அவர்களை நன்கு உபசரித்து வருவார்கள் பாத்திமா(ரலி) அவர்கள், வீட்டு வேலைகளில் கைக்கு ஆள் குறைவில்லாமல் இருந்தது. பாத்திமா(ரலி) செல்ல பிள்ளையாக பொறுப்புடன் ஆளுக்கு ஒரு வேலையை செய்வதால் பாத்திமா(ரலி) அவர்களுக்கு எந்த கஷ்டமும் அதிக வேலையும் இல்லை., தங்களின் அருமை சகோதரி உம்மு குல்தூம்(ரலி) தங்களின் அருமை தங்கை பாத்திமாவுக்கு அதிகம் வேலை கொடுக்காமல் பாத்து கொள்வார்கள். உம்மு அய்மன்(ரலி) அவர்களும் வேலைகளில் துனையாக இருந்தார்கள். உம்முஸுலைம்(ரலி) தனது 10வயது மகன் அனஸ்(ரலி) அவர்களின் பணிவிடைக்கு அர்ப்பணித்தார்கள். சிறுசிறு வேலைகள். வெளி வேலைகளுக்கு அனஸ்(ரலி) உதவியாக இருந்தார்கள். மேலும் உம்முஸுலைம்(ரலி) அவர்கள் கணவர் அபூதல்ஹா(ரலி) இருவரும் எப்போதும் வீட்டு, வெளி வேலைகளுக்கு உதவியாக இருந்தார்கள். இப்னுமஸ்வூது(ரலி) நபி ஸல்லல்லாஹு அலைஹிவ ஸல்லம் குடும்பத்தின் ஹித்மத்துக்காக காத்து கிடந்தார்கள்.அப்பாஸ்)ரலி) அவர்கள் நபி ஸல்லல்லாஹு அலைஹிவ ஸல்லம் அவர்களுக்கு பணிவிடை செய்ய அபூராபியை அன்பளிப்பு செய்து இருந்தார்கள். உத்மான் இப்னு-மஸ்வூனின் விதவை கவ்லா என்ற பென்மனி நபி ஸல்லல்லாஹு அலைஹிவ ஸல்லம் அவர்கள் வீட்டு பனிவிடைக்காக நீண்ட காலமாக நபி ஸல்லல்லாஹு அலைஹிவ ஸல்லம் அவர்கள் குடும்பத்திலேயே இருந்து வந்தார்கள். வீட்டு வேலைகளுக்கு பெரும் கூட்டமே காத்து கிடந்தது அதனால் பாத்திமா(ரலி) அவர்களுக்கு கஷ்டம் தெரியவில்லை. எப்போதும் திருமனம் ஆனதோ, வீட்டில் வேலை செய்ய ஆட்கள் இல்லாமல் பாத்திமா(ரலி) அவர்கள் ரொம்ப கஷ்டப்பட்டார்கள். வீட்டில் வருமை வாட்டியது. பசியின் கொடும்பிடியில் சிக்கிதவித்தார்கள். திருமனத்துக்கு முன்பு இருந்த நிலையை அடிக்கடி பாத்திமா(ரலி) அவர்கள் நினைத்துப்பார்ப்பார்கள்.எந்த அளவு வருமை என்றால், ஹஜ்ரத் அலி(ரலி) அவர்கள் வெளியே சென்று பலருக்கும் தண்ணீர் அள்ளிக் கொடுத்து, கஷ்டப்பட்டு தூக்கி சுமந்து சம்பாதித்து வருவார்கள். பாத்திமா(ரலி) அவர்கள் அக்கம் பக்கத்து வீட்டுகளின் தானியங்களை தங்கள் வீட்டு திருகையில் கூலிக்காக அரைத்துக் கொடுத்து உழைத்து வந்தார்கள்.
ஒரு நாள் கணவன் மனைவி இருவரும் பேசிக் கொண்டிருக்கும் போது......தங்களின் கஷ்டங்களை பரிமாறிக் கொண்டார்கள்.
எனது கைகளைப் பாருங்கள் கொப்புளங்கள். கொப்புளங்கள் ஏற்படும் வரை நான் தானியங்கள் அரைத்து உழைத்துள்ளேன் என்றார்கள் பாத்திமா(ரலி) அவர்கள். அன்பு மனனவியின் நிலைக்கண்ட ஹஜ்ரத் அலி(ரலி) அவர்கள் தங்களின் அன்பு மனைவியைப் பார்த்து என் நெஞ்சைப் பாருங்கள்......ஒரு நாள் முழுவதும் என் நெஞ்சில் வல் ஏற்படும் அளவுக்கு நான் தண்ணீர் இழுத்துள்ளேன் என்றார்கள்.

"வெட்கம் எங்கே?"

ஒரு சமயம் நபி ஸல்லல்லாஹு அலைஹிவ ஸல்லம் அவர்கள் தங்களுக்கு பணிவிடை செய்யும் சிறுவரை அழைத்துக் கொண்டு, தங்களின் அருமை மகளாரைக் கான அவர்கள் வீட்டிற்கு வந்தார்கள். அன்னியர் ஒருவர் தமது தந்தையாருடன் தமது வீட்டுக்கு வருகிறார்கள் என்பதை அறிந்த பாத்திமா(ரலி) அவர்கள் உடலை நன்கு மூடிக் கொள்ள சரியான துணி இல்லாத நிலையில் இருந்தார்கள். நபி ஸல்லல்லாஹு அலைஹிவ ஸல்லம் அவர்கள் ஊழிய சிறுவனுடன் வீட்டிக்குள் நிழைத்தும் பாத்திமா(ரலி) அவர்கள் தங்களின் உடலை மூடிக் கொள்ள ரொம்ப சிரமப் பட்டார்கள் இதைக் கண்ட கண்மணி நபி ஸல்லல்லாஹு அலைஹிவ ஸல்லம் அவர்கள் எனதருமை மகளே! பயப்பட வேண்டாம் உன் வீட்டுற்கு வந்திருப்பவர் உமது தந்தையின் ஊழிய சிறுவன் தான் என்று ஆறுதல் கூறினார்கள். இதன் பின்பு தான் பாத்திமா(ரலி)அவர்களுக்கு நிம்மதி ஏற்பட்டது.

"மணவறை விசேஷம்"

பாத்திமா(ரலி) அவர்கள் நிகாஹ் முடிந்தபின் புதுமண தம்பதிகள் தனிமையில் இருந்தனர். அப்போது அண்ணல் நபி ஸல்லல்லாஹு அலைஹிவ ஸல்லம் அவர்கள் அலி(ரலி) அவர்க்ளிடம் நான் ஒரு அலுவலாக வெளியே செல்கிறேன். திரும்பி வரும் வரை உங்களது மனனவியை நெருங்க வேண்டாம் என்று கூறிச் சென்றார்கள்.
கல்யான வீட்டில் கடைசி விருந்தினர் வீட்டை விட்டு வெளியேறவும் நபி ஸல்லலலாஹு அலைஹிவ ஸல்லம் அவர்கள் மீண்டும் வீட்டுக்கு வந்துசேரவும் சரியாக இருந்தது. அப்போது அங்கு வீட்டை ஒழுங்கு படுத்திச் கொண்டிருந்த உம்மு அய்மனிடம் ஒரு பாத்திரத்தில் தண்ணீர் கொண்டு வரும்படி ஏவினார்கள். தண்ணீர் கொண்டு வரப்பட்டது தன்னீரை வாய் நிறைய எடுத்துக் கொப்பளித்து அதனை அந்தப் பாத்திரத்துனுள்ளேயே உமிழ்ந்தனர். பின்பு அலி(ரலி) அவர்களை தன் முன் அமர வைத்தார்கள். கையில் சிறிது தண்ணீர் எடுத்து அலி(ரலி) அவர்களின் தோள்களிலும் மார்பிலும் கைகளிலும் தெளித்தார்கள். பிறகு அருமை மகளார் பாத்திமா(ரலி) அவர்களை அழைத்த போது தனது அருமை தந்தையின் மேலிருந்த மதிப்பும் மரியாதையும் காரணமாக அவசரத்தில் தன் மேலாடையில் தடுக்கியவராக முன் வந்து நின்றார்கள். ஹஜ்ரத் அலி(ரலி) க்கு போல நாயகம் ஸல்லல்லாஹு அலைஹிவ ஸல்லம் அவர்கள் பாத்திமா(ரலி) அவர்களுக்கும் தண்ணீர் தெளித்தார்கள் பின் அவர்களிருவருக்கும் அவர்களது சந்ததியினருக்கும் துஆ செய்தார்கள். பின்பு புதுமனத் தம்பதியருக்கான மணவறை பதனிடப்பட்ட ஒரு ஆட்டுத்தோல் அதன் மேல் கோடிடப்பட்ட நிறம் மங்கிப் போன ஒரு யமன் புடவை விரிப்பாகப் போடப்பட்டிருந்தது. இங்கு இருவரையும் தனினையில் விட்டு. விட்டு நபி ஸல்லல்லாஹு அலைஹிவ ஸல்லம் அவர்கள் திரும்பினார்கள்.

"பாத்திமா(ரலி)யின் பசி போக்கிய துஆ"

ஒரு நாள் பாத்திமா(ரலி)அவர்கள் கடுமையான பசியுடன் தன் தந்தையைப் பார்க்க வந்தார்கள். பாத்திமாவைப் பார்த்த நபி ஸல்லல்லாஹு அலைஹிவஸல்லம் அவர்கள் பக்கத்தில் அழைத்து உட்கார வைத்தார்கள் பசியின் கடும் கொடுமையால் முகம் வெளுத்து இருந்தது. முகம் சோகை பிடித்துப் போய் இருந்ததைப் பார்த்த நபி ஸல்லல்லாஹு அலைஹிவ ஸல்லம் அவர்கள் தங்களின் முபாரக்கான கையை மகள் மீது வைத்து ஒரு துஆ செய்தார்கள்.

பசியின் கொடுமையை தீர்ப்பவனே! தேவைகளை நிறைவு செய்பவனே! குறைகளை பூர்த்தி செய்பவனே! குறைகளை எல்லாம் நிறையாக மாற்றுபவனே! முஹம்மதின் மகள் பாத்துமாவைப் பசிக் கொடுமையிலிருந்து நீக்கி கிருபை செய்வாயாக என்றார்கள்.

உடனே பாத்திமா(ரலி) அவர்களின் சோகை முகம் மாறி இரத்த ஒட்டம் நிறைந்ததாக ஆகியது. இந்த துஆவிற்குப் பிறகு சுவனத்துப் பேரரசி பாத்திமா(ரலி) அவர்கள் தங்களின் வாழ்நாள் முழுவதும் பசியுடனே இருக்கவே இல்லை. இதை பாத்திமா(ரலி) அவர்களே சொன்னார்கள். கண்மணி நபி ஸல்லல்லாஹு அலைஹிவ ஸல்லம் அவர்களின் துஆவை அல்லாஹ் கபூல் செய்தான்.